ԾԱՌԱՅՈՒԹՅՈՒՆՆԵՐ

Mobile ID օգտատեր դառնալ կարող են ծառայության կոմերցիոն մեկնարկից հետո: Փորձնական գործարկման ընթացքում ծառայությունը հասանելի կլինի սահմանափակ թվով օգտատերերի համար:
Քաղաքացին Էլեկտրոնային ծառայություններ մատուցողի համապատասխան ծառայությունից օգտվելու համար մուտքագրում է իր հեռախոսահամարը և փորձում մուտք գործել համակարգ: Mobile ID կոճակը սեղմելուց հետո նա իր բջջային հեռախոսին SMS հաղորդագրությամբ կստանա հարցում, հաստատելու համար, որ իսկապես ինքն է փորձում մուտք գործել տվյալ համակարգ: Դրական պատասխանի դեպքում համակարգը պահանջում է քաղաքացու կողմից ընտրած PIN կոդի մուտքագրումը: Սա ոչ թե SIM քարտի կոդն է, այլ Mobile ID-ի PIN կոդն է: PIN1- նույնականացում անցնելու համար, PIN2 - էլեկտրոնային ստորագրության համար, որոնք նա չպետք է փոխանցի որևէ մեկին: Կոդը հավաքելուց վայրկյաններ անց կայքին ուղարկվում է համապատասխան հրահանգ, որը պարունակում է տեղեկատվություն օգտատիրոջ իսկության վերաբերյալ, որն անցել է համապատասխան իդենտիֆիկացիայի գործընթաց: Փաստաթղթի էլեկտրոնային ստորագրման գործընթացի նկարագրությունը կներկայացնենք կոմերցիոն գործարկման մեկնարկի ժամանակ:
Ինչպես յուրաքանչյուր ծառայություն Mobile ID-ն ևս հնարավոր է կասեցնել և վերաակտիվացնել: Կասեցման համար անհրաժեշտ է դիմել Mobile ID օպերատորին կամ բջջային կապի օպերատորի գրասենյակ և կասեցնել ծառայությունը: Mobile ID ծառայության վերաակտիվացման համար անհրաժեշտ է դիմել բջջային կապի օպերատորի գրասենյակ և կրկին ակտիվացնել ծառայությունը:
Mobile ID-ի ծառայությունը կարող է չեղարկվել օրենքով նախատեսված դեպքերում: