Jsign Mobile ID հավելվածը, որպես փաստաթղթերի ստորագրման նոր հնարավորություն

Նիկիտա Մոբայլ ընկերությունը մշակել է Jsign Mobile ID հավելվածը , որը Բջջային էլեկտրոնային ստորագրության այլընտրանքային գործիք է, որի միջոցով հնարավոր է ստորագրել ցանկացած PDF ֆայլ:

Հաշվի առնելով այն փաստը, որ Mobile ID գործիքի միջոցով իրականացված գործարքների թիվը վերջին երկու շաբաթների ընթացքում աճել է ավելի քան 3 անգամ՝ Նիկիտա Մոբայլ ընկերությունը մշակել է JsignPDF ծրագրի MobileID տարբերակը, որը հնարավորության կտա Ձեզ ստորագրել բոլոր փաստաթղթերը, հենց Ձեր համակարգչում։

Ծրագիրը կարող եք ներբեռնել https://mobileid.am/sign/sign/index  կայքից։

JsignMobileID-ի կիրառումը շատ պարզ է, հարկավոր է ընդամենը՝

• https://mobileid.am/ կայքից ներբեռնել JsignMobileID ծրագիրը և բացել այն,

• “Keystore type” դաշտում ընտրել Mobile Id signing,

• “Input PDF file” դաշտում ընտրել այն ֆայլը, որը ցանկանում եք ստորագրել,

• “Output PDF file” դաշտում նշել որտեղ պետք է պահպանվի ֆայլը,

• “Reason” դաշտում ստորագրված ֆայլին տալ անվանում,

• “Phone number” դաշտում գրել հեռախոսահամարը,

• Եթե ցանկանում եք, որ ֆայլի վրա երևա ստորագրությունը, ապա նշել նաև Visible signature (վերջինս կարող եք չնշել, քանի որ Ձեր ֆայլի ստրագրված լինելը պահվում է PDF Signature panel դաշտում),

• Այնուհետև սեղմել ծրագրի ձախ անկյունում գտնվող Sign it  կոճակը։

Վերը նշված քայլերը իրականացնելուց հետո բջջային հեռախոսին կստանաք PIN 2-ը մուտքագրելու հրահանգ և կստորագրեք Ձեր ցանկացած փաստաթուղթը:

Իրականացրեք Ձեր գործարքները` Ձեզ հարմար և ապահով եղանակով  Mobile ID-ի միջոցով։